So doof, han de ganzi Post scho gschribe, und esch weg,...
Naja, demfall vo neu.
Han am Mittwoch min Termin bir Iwanderigsbehörde gha (heisst USCIS hier).
Die hend wieder Mal en riese Lischte vo Papier welle gseh, bes i realisiert han das ech das alles schon im Original abgliefered han.
So hani nur no muesse alli Fötzel wo mier irgendwelchi Neuigkeite mitteilt worde sind (die heissed 'Notice of Action' - das ged denn Action) und Kopie vo Sache was mer gemeinsam füehred.
I eusem Fall nur grad en Kreditkarte und d'Police vor Huusratversicherig.
Naja, nachdem mehr dür ne Kontrolle düre send wo jedem Flughafe zur Ehr gereiche würd (kei Flüssigkeite, laufendi elektronischi Grät, kei Esse (hend müesse euse Öpfel dusse go verstecke :-D), warte,... und denn nach nume en halbe Stund Gspräch...
... jawohl, muss hier chli d'Spannig uschoste...
Ben agnoh.
Han den letsche Samschtig au scho d'Arbeitbewilligung und Wiederiresebewilligung becho und die grüeni Charte setti in ca nere Woche im Briefkaste ha!!!!
jippiiiiieeeeeeeee
Das heisst für 2 Johr unbegrenzt Recht hier zu leben und arbeiten.
Juhui
Das hani hinger mier
Das heisst nun, Job sueche, schaffe chönne.
Wow, tönt das guet nach 5 Monat Zwangsferien!!!
Grüessli und bis bald, han no einiges zerichte, insofern s'letschte Mal echt her isch.
No comments:
Post a Comment